International Women's Day

International Women's Day

IMETOSHA

IMETOSHA

KUMRADHI

Kutokana na kubanwa na masomo, mabandiko hayatakuwa kila siku kama awali.
NAWAPENDA



Wednesday, June 10, 2009

Yako wapi mahitaji ya wahitaji?

@www.freewebs.com/supportfromthehelpinghand/
Uchaguzi mkuu wa Tanzania unakaribia na kwa hesabu za haraka haraka, natumai vyama husika vimeshaanza kujipanga vema kwa ajili ya "msimu" huo wa kuonesha wanawajali wananchi na wako hapo kuwatetea, kuwahudumia na kuwatengenezea kaisha bora. Yale yale ya MAISHA BORA KWA KILA MTANZANIA. Katika pilika hizi za vyama, nina hakika moja ya hatua inayoendelea sasa ni kuandaa ILANI YA UCHAGUZI kwa kila chama ili kuweza "kuuza" sera zao.
Kinachosikitisha sasa ni kuwa wapo waTanzania wengi ambao wana mahitaji mbalimbali muhimu na ambao maisha yao hayawezi kuwa sawa na wengine bila kuwezeshwa kwa namna fulani na ambao wameonekana kusahaulika lakini hawatumii muda huu kuweka mahitaji yao bayana ili yajumuishwe kwenye Ilani hizi.
Nazungumzia wenye mamlaka ya kuwasilisha na kuwakilisha wenye uhitaji ambao ni Shirikisho la Vyama vya Watu Wenye Ulemavu Tanzania ( SHIVYAWATA) linaloundwa na vyama mbalimbali ambavyo ni Chama cha Walemavu Tanzania ( CHAWATA), Chama cha Wasioona Tanzania ( TLB), Chama cha Viziwi Tanzania ( CHAVITA), Chama Cha Maalbino Tanzania ( CCMT) na Chama cha Watu Wenye Ulemavu wa Akili (TAMH). , na vyama vingine mbalimbali venye kuwatetea wenye uhitaji ambavyo sasa ni wakati muafaka wa kukusanya maoni ya uhitaji toka kwa wanachama wao na kisha kuyaweka bayana kwa kila chama kuwa "wanachama wetu wanahitaji kiongozi ambaye atawajali katika mahitaji (watakayoyataja)" ili wagombea wajue namna ya kuyajumuisha kwenye mipango yao na pia kuweza "kujifunga" kwa jamii katika kutekeleza. Kuna haki nyingi za msingi na lazima ambazo kwa namna moja ama nyingine wenzetu hawa wanawiwa vigumu kuzipata wanaposhindana na wasio na uhitaji, haki kama shule za kutosha kuwaelimisha, vifaa vya kuwawezesha kuelimika, vifaa vya kuwarahisishia maisha (hata kama ni vya kununua kwa gharama nafuu), maegesho, usafiri, uwezeshwaji wa kufika kwenye ofisi muhimu kwa urahisi (kama ilivyoelezwa HAPA). Natambua kuwa kuna viongozi wa vyama mbalimbali vinavyowakilisha wenye uhitaji mbalimbali, lakini nashangazwa na namna ambavyo hawatumii nafasi hizi kuwabana wagombea, bali wanasubiri mpaka wakati wanapotembelewa na viongozi (baada ya chaguzi) na kusoma risala kueleza matatizo yao ambayo wamekuwa nayo kwa muda mrefu.
Ni muda wa kuwafanya wagombea KUELEWA UHITAJI WA WAHITAJI na kisha wajumuishe uhitaji huo katika sera zao ili wanapoingia madarakani wawe na "deni" la kuwatumikia wahitaji.
Lakini wenye mamlakahawafanyi hivyo, matokeo yake wanasiasa wetu wanachukua mwanya wa "kutojua" kujifanya wamesahau uhitaji wa wahitaji na kuanza / kuendelea kutumbua mali ilhali wahitaji wanaendelea kusota na kufa njaa.
Ni swali ninaloendelea kujiuliza kuwa YAKO WAPI MAHITAJI YA WAHITAJI? Na ni lini viongozi wetu watayatatua bila "kushurutishwa?" Ni hakika kuwa viongozi wengi HAWANA UPENDO na ndio sababu wanatenda watendayo (kutowajali wahitaji).
Nasio alisema kuwa "them (they're) talking about this, them (they're) talking about that, poor people just a suffer (are suffering) while you live out fat...." " you living in the pride and luxuries, while needier are dying in their poverty. Lord know that they aint got no Love at all"
BLESSINGS
Uchaguzi Tanzania ni "label" inayozungumzia namna niionavyo nchi yangu ya Tanzania ijiandaavyo na uchaguzi mkuu ujao wa mwaka 2010. Kwa maandishi mengine juu ya mada hii katika "label" hii BOFYA HAPA

3 comments:

kamala Lutatinisibwa Lutabasibwa said...

unamoyo brother. inaonekana unajali sana wenzio. safi sana. Mungu hakubariki saaaaaaana mtumishi. haleluuuuuya,aaaamen
duhu, una roho ya huruma kama yesu wewe. very nice keeep it up not down


...........lakini..........

kuna ka-ushauri:

nobona ota kowakwija na iwe okagombea? tiwakubagambilila? tuleke kwoleka bandi olokumu lomoi okwe enkumu inai nzituleba.

samahani kwa wasiojua kifaransa!

Mzee wa Changamoto said...

Hahahahahaaaaaaaaa. Kasinge Owaishe. Ninyekukumba kwija kubona ka mulandonda kutwala ensi eyaitu.
Lol.
Tena. Samahani kama Kifrancais hakipandi. Lol

SHABANI O. KONDO said...

MWANA UPO JUU ILE MBAYA NDUGU YANGU.

KUNA MENGI NIMEJIFUNZA KWAKO KWA MUDA MFUPI KAKA.

ENDELEA NA MOYO HUO HUO NA KIUKWELI TUENDELEE KUWASILIANA.

NINA HAKIKA TUTASAIDIA MENGI TU KAKA.