Sikuliza na Pakua kibao NAJIVUNIA kutoka DMV All Stars

Mdundiko.... Ngoma yenye timbwilitimbwili nyingiiii

Photo:Busaramusic.org
Photo: Angalia Bongo
Kwa sisi tuliokulia "kijijini" Dar Es Salaam tunalitambua hili. Mdundiko. Ngoma ambayo kwa hakika ilitufanya wengi kukumbana na mengi.
Mdundiko ulikuwa ukikusanya watu wengi na tukienda mwendo mrefu na katikati ukikusanya watu ambao kwa kuwa wanaongezeka "nje" ya ulipo wewe, unajikuta uko katikati na kama ndio mtoto basi hata namna ya kujisogeza pembeni huwezi.
Na humo katikati unasuguliwa na majasho na vikwapa vya watu na mpaka ngoma inazimwa, unarejea nyumbani (kama hutapotea) ukiwa una harufu itayomfanya mzazi atake maelezo ya kina juu ya utokako. Maana unakuwa unanuka kama zizi. Watu mamia, vikwapa vina "kwalite" tofauti ya kuachia harufu na wengine kuoga ni aleji kwao. Yaani ni mshikemshike tu
Kibaya zaidi ni kuwa TULISHAKATAZWA kuufuata maana watoto wanapotea saana lakini mara zote tukiuona tunajiaminisha kuwa tutaucheza kwa dk chache then tutarudi. Ukija shituka, unafika home wakati wanakula dinner.
Na sheria ya nyumbani ni kuwa kama giza limelazimisha taa ziwashwe, ina maana hustahili kuwa nje
SI BAKORA HIZOOOOOOOOOO
Na kwa wengine hii ikasababisha mengine mengi. Wapo wanaopata wanaowataka (wapenzi wapya) na wapo wanaoachwa kwa kufuata yasiyotakwa.
Kibaya zaidi, wapo waliokuwa wanatelekeza nyumba zao na matokeo yake kundi jingine "linalojiajiri" kuufuata mdundiko dakika chache "wanasafisha" nyumba za watu bila kipingamizi. Maana Mama na wana wote wamekimbilia ngomani
Msikilize George Kanuti Njogopa akikupa uhondo wa kinachoendelea katika mdundiko kwa kubofya hapa chini

Alaaaaaaaaaaaaaaaaa!! Kumbe hakumalizia? Basi fuatilia habari kamili na maelezo katika makala hii tamu na ya kusisimua kwa ku BOFYA HAPA

Production or "forgeaction"? Bongo Flava "production" in scandal again..

Hey wats up everybody!! I thought the Producers in Tanzania have improved a lot but i guess i was wrong!!, 2 and Half years ago i made a beat and named it Block Running, I sold it to one of the Label called Koch Entertainment of New York for the agreement of wherever this beat goes my name gotta be there as a beat maker of this beat, 2 days ago i was shocked when one of my friends from Tanzania sent me a song with the same beat i made 2 and half yrs ago!!, and I didnt hear my name on the track all i heard is Marco Chali, So i called Koch entertainment to ask wats going on, Koch entertainment management were so surprised to hear that news so they told me to send the song to them and I did, They asked me if i ever sent the beat to MJ Records of Dar es Salaam, Tanzania. I told em i never did but i put the beat on I tunes so people can buy and use for promotions and not for any type of business but Mj records used the beat without permission from Koch Entertainment and also they didnt follow the agreement we signed that wherever this beat goes my name gotta be there as a beat maker. I dont have any rights of complaining this issue to MJ Records that why my name wasnt on the song as a beat maker all ill do is to take Koch Entertainment to court and they will deal with the MJ Records. The only thing im gonna deal with,if MJ records bought this beat from itunes,and if they did why they used it for the Business!!?.
I put the song which Producer Marco Chali of MJ Records produced last year and my beat i made 2 and half years ago so you guys can compare and tell me if this beat is the same or not the same.

Thanks.
Stiggo Ibrahim,
S&S Records-NY

Natamani kuona ........

Nikiwa mpenzi mkubwa wa muziki wa kiTanzania, NATAMANI KUONA kitu ambacho kitakuwa kikitoa mjumuisho wa muziki huo na KUENZI KAZI NA WASANII wa muziki wa Dansi nchini.

Natamani kuona SIKU YA DANSI NCHINI ambayo bendi zitajumuika kuimba nyimbo za wasanii mbalimbali waliochangia kwa kiasi kikuuubwa kuufanya muziki wa Tanzania kuheshimika. Waliotumika kuelimisha, kuburudisha na pia kukamilisha harakati mbalimbali katika jamii.

Natamani kuona tamasha litakalowaenzi nyota wengi wanaoendelea kutuelimisha kwa miaka nenda rudi na pia waliotangulia mbele ya haki kama kina Marijani Rajabu, M'baraka Mwinshehe, Hemed Maneti, Lovy Longomba, Eddy Sheggy, Kalala Mbwembwe, Agrey Ndumbalo, Fred Benjamin, Adam Bakari, Jerry Nashon, Kyanga Songa, Moshi William, Seleman Mbwembwe, Othman Momba, Joseph Maina, Abel Baltazar, Seleman Mwanyiro na wengine wengi.

Najua ni wengi nawe msomaji waweza kumbusha ambao ungependa kuona wakienziwa kwa kazi zao wawe hai ama wametangulia mbele ya haki.

Natamani kuona TAMASHA LA KILA MWAKA likionesha thamani halisi kwa wale ambao hawakuendekeza URAHISI WA KAZI bali umuhimu na ubora wake.

Natamani kuona......natamani saaaaana

Kwa wale mliotangulia mbele ya haki, mpumzike vema huko mlipo. Kazi zenu zingali zaelimisha na kuburudisha

Nimeipenda hii... Kisha nikajiuliza ni lini ntaona waTz Pamoja?

Sipendi kuiona "waTanzania Pamoja" kwa kuwa waKenya wametoa, bali kwa kuwa ni kitu cha maana na manufaa kufanya. Si kwa manufaa ya wanamuziki tu (ambao wanapata mengi si kwa kufanya kazi ya pamoja bali kwa kuonesha ushirikiano) lakini kwa jamii nzima ambayo itathamini zaidi UMOJA NA USHIRIKIANO WA WASANII. Nimependa zaidi intro ya mtoto aliposema "People should LOVE EACH OTHER because we were created in GOD's OWN IMAGE and we should RESPECT EACH OTHER all times.....EVERYONE IS IMPORTANT. TUPENDANE ILI TUISHI"

Lakini pia niwasikilizishe hii ya Waganda kuhusu Africa na kisha tuone kama hii yaweza kuwa CHANGAMOTO kwa waTanzania kufanya hili

TUPENDANE

JUMAMOSI NJEMA

FFU wa Ngoma Africa katika Makamuzi ya hatari! AFRILU Festival!

FFU wa Ngoma Africa band! wakiwa katika makamuzi ya hatari hatari! kwenye onyesho la AFRILU Festival mijin Ludwigshafen,Ujerumani, ambako onyesho hilo la ijumaa ,liliwatia kiwewe washabiki na kukubali kuwa "Bongo Dansi" la FFU wa Ngoma Africa ni virungu vya kimataifa
Wasikilize hapa http://www.myspace.com/thengomaafrica

Habari na picha kwa hisani ya Msemakweli.

Luciano na Tanzania

Jana nimemsoma Da'Yasinta na uTANZANIA wake anaojivunia (msome hapa) . Nikafurahia saana. Katika maoni kama kawaida nikamsoma Kaka Kamala aliyeleta CHANGAMOTO nyingine akiuliza "tanzania nini na mtanzania ni nani?" na hilo likanifanya nirejeshe mawazo kwa wale ambao wanajua wanatokea Afrika lakini hawana hakika na watokeako. Hivi wana pa kupenda ama wataipenda Afrika kwa ujumla wake? Lakini kuna mengi ndani ya Afrika ya kumfanya mtu asiyelazimika kuipenda aipende? Vita, Ubadhirifu, Ufisadi ama? Tarehe 7 Aprili nilikumbuka saana nyumbani kisha nikaandika kuhusu siku nitakayorejea nyumbani (Bofya hapa kuisoma post hiyo). Nilijiuliza kuhusu nyumbani kisha "nikasindikiza" toleo hilo na wimbo wake Luciano uitwao When Will I Be Home (Bofya hapa kuusikiliza) ambao pia (kwa mshangao wangu nilipousikia mara ya kwanza) unaitaja TANZANIA kama nchi anayojiuliza kama ndiko iliko asili yake ama la.
Nakumbuka mwanzo wa miaka ya 2000, Kaka-Rafiki Gotta Irie aliniandikia mail kunieleza kuwa alikuwa na mpango wa kumualika Luciano kwenda kufanya onesho nyumbani. Nilifurahi kusikia hivyo kwa kuwa mimi ni msikilizaji na mpenzi wa muziki wa Luciano, na aliporejea toka huko (katika onesho ambalo niliambiwa kuwa lilifana licha ya mahudhurio kuingiliana na matukio ya kidini), lakini hata aliporejea toka huko, Luciano ameendelea kuizungumzia Tanzani ana anasema katika kukaa nchini na kutembea alijifunza mengi na kisha akaandika wimbo wa Remember When ambao kama aelezavyo kwenye mahojiano haya yajayo, alipata wazo hili akiwa Tanzania. Nikajiuliza MAPENZI aliyonayo kwa nchi ambayo inazidi kumong'onywa na wabadhirifu na namna anavyojitahidi kuielimisha jamii juu ya uzuri wa Tanzania nikaguswa saaaana. Luciano ni msanii nimpendaye (wacha nikiri) na haipiti siku bila kumsikia.
Msikilize hapa katika mahojiano (ANZA DAKIKA YA 2 NA SEKUNDE 31) umsikie hisia zake kuhusu Tanzania na Africa kwa ujumla

Blessings

Ndiko yalikoanzia?????

Nilipoandika kuhusu kifo cha Michael Jackson, Kaka Kamala aliniomba kama ningeweza kupata habari kuhusu kujibadili kwake na kushirikiana nanyi.
Pamoja na kusubiri matokeo ya mwisho ya vipimo vya kitaalamu kuhusu kifo cha Michael Jackson, bado kifo chake kinahusishwa zaidi na madawa ya kupunguza maumivu ambayo alionekana kuyatumia kwa muda mrefu na kuwa addicted nayo. Ni hakika kuwa sasa wapo wanaoamini kuwa uchunguzi unaoendelea sasa ni kujua nani alimpa madawa hayo, alistahili kupewa madawa hayo na ni kwa kiwango na usimamizi gani alikuwa akiyatumia kwani wapo wanaosema kuwa walionya juu ya matumizi ya madawa hayo.
Lakini pia zipo habari kuhusu mwanzo wa matumizi ya madawa hayo na hata kichocheo kingine cha kubadilika kwa ngozi yake. Na hiyo inasemekana ilitokana na kuungua wakati akitengeneza tangazo la Pepsi kama inavyooneshwa katika video hii iliyotoka punde.
Yasemekana baada ya kuungua alianza kutumia madawa makali ya kupunguza maumivu na pengine ndio mwanzo wa matumizi mabaya ya madawa hayo. Na wapo wahusishao hili na mabadiliko yake ya muonekano wa ngozi. Tukio lenyewe la kuungua ni hili hapa kama lilivyotolewa na US Weekly

Ngoma Africa band kukiwasha cha moto ! Fest Afrika, Finland 18 Julai 2009

The Ngoma Africa Band aka FFU ! watatumbiza mjini Tampere,Finland katika onyesho la aina yake Fest-Afrika! litakalo fanyika siku Jumamosi 18 Julai 2009,katika sehemu ijulikayo kama Klub, mjini Tampere,Finland.
Kiongozi wa bendi Ebrahim Makunja aka Ras Makunja atakiongoza kikosi chake kuelekea mjini Tampere,Ufini kwa ajiri ya kuwapa burudani ya asiye na mwana abebe jiwe! washabiki wa Ufini,ambao ngoma africa imewapa cheo washabiki hao kuwa ndio wahajili wao huko ufini!.
Bendi hiyo mashuhuri kwa kuwatia kiwewe washabiki barani ulaya imeshawahi kutumbuiza huko ufini mwanzoni mwa februari mwaka huu 2009 nyakati za msimu wa baridi na kutoana jasho na washabiki! wameitwa tena kwa kazi moja tu ya kutoa burudani ya kukata na mundu.
Wadau wa Ufini na scandinavia kwa ujumla chereko chereko na mwenye mwana!
watumishi wenu The Ngoma Africa Band wanakuja kuwapa burudani
wasikilize hapa www.myspace.com/thengomaafrica ukiwataka ngoma4u@googlemail.com

Kibao kumuenzi M.J

Wasanii The Game, Chris Brown, Diddy, Wayna Morris wa Boyz II Men na Polow Da Don wameungana kwa pamoja kutoa kibao kumuenzi Mfalme wa Pop duniani Michael Jackson ambacho wamekiita "Better On The Other Side." Wimbo ulirekodiwa na "kuachiwa" tarehe 26 ya mwezi uliopita ikiwa ni siku moja tangu kufariki kwa Michael.
Tazama kibao hicho hapa chini

Wasanii wetu wanajipoteza katika harakati za kujitafuta

Adolph Mbinga, Sister V (Much Respect to you Sis) Mimi na Rogert Hegga baada ya mahojiano 100.5 Times Fm 2002
Labda tafsiri ya mafanikio ndio kizingiti cha kuwepo kwa makubaliano ya nani anafanya nini ili kiwe nini. Yaani wakati fulani mtu anafanya afanyalo na kuonekana anazidi kujipoteza, lakini kwa mtazamo wake, kile atendacho na mahala alipo ama anapoelekea vyaweza kuwa tafsiri njema ya mafanikio.
Kwa muziki wa nyumbani Tanzania tumeshuhudia HAMAHAMA za wasanii ambazo zinawafanya kuwika katika wiki ama miezi ya mwanzo ya bendi zao mpya wakiwa na nyimbo mpya (ambazo mara nyingi ni vijembe vya walikotoka) na kisha wakikaa muda mchache wanafifia. Na hakuna ambaye ameendelea kuhamahama na kuendelea kukua kimuziki. Asilimia kubwa ya wasanii hawa (kwa namna nionavyo mimi) wanazidi kujipoteza katika kutafuta ilipo sehemu yao.
Lakini pia mbali na kuhama bendi, wasanii hawa wanajipoteza wanapokimbia kueleza ukweli wa maisha ama visa vilivyo katika jamii na kuendekeza majungu na kuimbana ambapo baada ya muda nyimbo zao huwa hazina mvuto kwa kuwa (pengine) kisa kilichoimbwa hakivuti hisia za watu.
Hakuna ubishi kuwa kuhamahama kwa wasanii kama Mwinjuma Muumini, Ali Choki, Banza Stone, Hussein Jumbe, Waziri Sonyo, Mhina Panduka, Amina Ngaluma, Badi Bakule na wengine niliowasahau waliokuwa wakitamba miaka kadhaa iliyopita kumewashushia uwezo kwa kuwa kila waendapo wanakutana na umiliki mpya, uongozi mpya, mazingira na masharti mapya na kazi mpya.
Pengine wakitulia na kutuliza vichwa kutunga yahusuyo jamii zaidi kutakuwa na manufaa kwa jamii husika badala ya kuendeleza mabishano na majungu ambayo "yanaua" uwezo wao kikazi.
Mfano halisi ni wasanii kama Mwinjuma Muumini "Kocha wa Dunia" aliyetamba na vibao kama Mgumba I & II, Kilio cha Yatima, Maisha Kitendawili, ama Rogert Hegga "Katapila" aliyetunga Fadhila kwa Wazazi I & II, ama Adolph Mbinga na hata Banzastone ambao baadhi ya vibao vyao vilizungumzia maisha halisi ya jamii (hata kama uandishi wao ulitokana na matukio yaliyowakumba wao) na tukashuhudia wakiijingiza kwenye vijembe na mabishano yanayowapa umaarufu wa wiki kadhaa kisha wanapotea. Hakuna ubishi kuwa kati ya nyota wote niliowataja hapo, hakuna anayetamba tena baada ya kubadili mtazamo wa tungo zao na kufuata washabiki badala ya WITO wao kwa jamii. Wanasahau lililosemwa na Cyril Connolly aliyesema "Better to write for yourself and have no public, than to write for the public and have no self."
Sikiliza nyimbo hizi FADHILA KWA WAZAZI toka kwao Mchinga Sound na MGUMBA II toka kwa Double M Sound uone ubunifu na uadilifu uliotumika katika tungo upangiliaji wa ala za muziki na viitikio, vitu ambavyo sasa vimepotea licha ya washiriki karibu wote katika nyimbo hizi kuendelea na muziki.

Ni mtazamo tu katika muziki

Ngoma Afrika Band kutumbuiza AFRIKA FESTIVAL,Goeppingen City,Germany

The Ngoma Africa Band aka FFU!na mdundo wao wa "Bongo Dansi" wanatarajiwa kutingisha jukwaa lingine katika onyesho kubwa la Afrika Festival litakalo fanyika mjini Goeppingen,Ujerumani siku ya jumamosi ya 4 Julai 2009 saa 2.00 Usiku.
Bendi hiyo maarufu na dansi lake linalowatia kiwewe washabiki huko ughaibuni, wanasubiliwa kwa hamu na washabiki katika onyesho hilo.
Wasikilize hapa www.myspace.com/thengomaafrica pia unaweza kuwasiliana kwa kupitia.
ngoma4u@googlemail.com

Sasa ni taarifa rasmi.

MICHAEL JACKSON kafariki
Hatimaye imekuwa rasmi kuwa yule gwiji wa muziki wa Pop ulimwenguni MICHAEL JACKSON amefariki dunia saa tisa na robo kwa saa za Marekani ya magharibi.
Aliripotiwa kuwa na tatizo la moyo kusimama kufanya kazi (Cardiac Arrest) na kisha kupelekwa hospitali. Hata hivyo afya yake imekuwa ikiripotiwa kuzorota miezi ya karibuni na yasemekana alikuwa na uzito mdogo kuliko umbo lake (takribani 100lbs) na pia kukabiliana na msongo wa mawazo (Stress) kutokana na matatizo yake ya kisheria, kimapato na kifamilia na wapo wanaoamini kuwa kifo chake kimechangiwa na matatizo haya.
Mpaka anafariki, Michael Jackson alikuwa akishikilia rekodi ya kuuza nakala nyingi zaidi katika wimbo Thriller ambao video yake ilivuma kote ulimwenguni.
Mwaka 1985, Michael Jackson akishirikiana na Lionel Richie, waliandika wimbo wa WE ARE THE WORLD ulioimbwa na kundi la UNITED SUPPORT OF ARTIST FOR AFRICA (U.S.A for Africa). Tazama video yake ukifuatilia mashairi yake pia

There comes a time when we heed a certain call (Lionel Richie)
When the world must come together as one (Lionel Richie & Stevie Wonder)
There are people dying (Stevie Wonder)
Oh, and it's time to lend a hand to life (Paul Simon)
The greatest gift of all (Paul Simon/Kenny Rogers)

We can't go on pretending day by day (Kenny Rogers)
That someone, somewhere will soon make a change (James Ingram)
We're all a part of God's great big family (Tina Turner)
And the truth (Billy Joel)
You know love is all we need (Tina Turner/Billy Joel)

(CHORUS)
We are the world, we are the children
We are the ones who make a brighter day so let's start giving (Michael Jackson)
There's a choice we're making we're saving our own lives (Diana Ross)
It's true we'll make a better day just you and me (Michael Jackson/Diana Ross)

Well, send 'em you your heart so they know that someone cares (Dionne Warwick)
And their lives will be stronger and free (Dionne Warwick/Willie Nelson)
As God has shown us by turning stone to bread (Willie Nelson)
And so we all must lend a helping hand (Al Jarreau)

(REPEAT CHORUS)
We are the world, we are the children (Bruce Springsteen)
We are the ones who make a brighter day so let's start giving (Kenny Loggins)
Oh There's a choice we're making we're saving our own lives (Steve Perry)
It's true we'll make a better day just you and me (Daryl Hall)

When you're down and out there seems no hope at all (Michael Jackson)
But if you just believe there's no way we can fall (Huey Lewis)
Well, well, well, let's realize that a change can only come (Cyndi Lauper)
When we (Kim Carnes)
stand together as one (Kim Carnes/Cyndi Lauper/Huey Lewis)

(REPEAT CHORUS AND FADE) (Everyone)

Moja ya picha inayosemekana kuwa kati ya picha za mwisho kabisa zikimuonesha Michael Jackson akikimbizwa hospitali yapatikana HAPA

Ali Kiba ndani ya DC Metro

Leo nilikuwa napitia habari mbalimbali pamoja na sehemu za maonesho ya burudani ambako mara nyingi huwa napata ratiba za wanamuziki wa Reggae watembeleao miji ya karibu na DC na ambao mara nyingi huwa wanaanza kujipanga kwa maonesho nyakati hizi. Katika pitapita yangu nikakutana na tangazo la onesho lake Ali Kiba ambalo litafanyika ukumbi wa Zanzibar On The Waterfront

Nilifarijika saana kuona msanii huyu ameweza kufikia hatua ya kuandaliwa onesho mahala hapo ambapo pia wasanii wengi wenye kuheshimika hasa katika muziki wa kiafrika hufanya maonesho yao hapo. Nakumbuka onesho la mwisho mimi kuhudhuria hapo lilikuwa ni lake Oliver "Tuku" Mtukudzi ambaye sihitaji kumuwekea maelezo.
Nikaona ni vema kuwakumbusha wale wapenzi wa Ali Kiba kuwa atakuwa katika ukumbi mkubwa zaidi ya zile ambazo kina "anonymous" wamekuwa wakiziita kumbi za Birthday.
Lakini pia nikawiwa kuwakumbusha wahudhuriaji kuwa hawaendi kumuona Ali Kiba akitumbuiza na wao kumtolea macho, wajitahidi kushirikiana naye katika kucheza. Mimi kama msanii (japo wa "level" ya chini) najisikia vibaya nionapo msanii anatumbuiza na ni yeye pekee anayewajibika ilhali wengine wamemtumbulia macho.
Tazama onesho la Ali Kiba lililofanyika hapa DC ambalo asilimia kubwa ya wahudhuriaji wahudhuriaji walikuwa wakimuangalia kama hawamjui ama hawam-feel ama hawaelewi kiimbwacho wakati naamini wimbo ulioimbwa ni kati ya nyimbo zake maarufu.

Jamani JICHANGANYENI NA MCHEZE NAYE BASIII MKIENDA HAPO Zanzibar O.T.W

The Ngoma Africa Band ndani ya Masala Festival,Hannover,Ujerumani

Bendi maarufu ya mziki wa dansi barani ulaya "The Ngoma Africa Band" yenye maskani yake mjini Oldenburg,Ujerumani.wataupeleka mzimu wa dansi katika jukwaa kubwa la maonyesho la Masala Festival,mjini Hannover,Ujerumani siku ya jumapili ya 14-Juni-2009 .
Bendi hiyo yenye tabia ya kupelekana mchaka mchaka na washabiki wa mziki ughaibuni inatarajiwa kutumbuiza majira ya saa 10.00 alasiri,ambako washabiki wa nyimbo za kiswahili na mziki wa dansi wanaisubiri kwa hamu bendi hiyo, iliyofanikiwa kujizolea umaarufu kwa kutumia mdundo wa dansi wa bongo.
Kiongozi wa bendi hiyo Ebrahim Makunja aka Ras Makunja ataliongoza kundi hilo jukwaani kwa kazi moja tu nayo ni kuwadatisha akili washabiki! Wasikilize kwa kubofya www.myspace.com/thengomaafrica ama waweza kuwasiliana nao kwa barua pepe kupitia anwani ngoma4u@googlemail.com. Kujua mengi kuhusu kundi hili mahiri, bofya hapa
http://www.africa-news.eu/news/entertainment/the-ngoma-africa-band-continues-to-thrill-fans.html

Source: Msema Kweli

CHANGAMOTO YETU SANAANI

Kundi zima la Tuku lilikuwa ni mpiga ngoma, mpiga tumba + chekeche, mpiga gitaa la besi, yeye na gitaa kiongozi, mpiga marimba na marimba nyingine (kama ya kigogo hivi). Muziki wao... bofya hapo chini usikie.

Kwa muda sasa nimekuwa nikizungumzia na kuandika juu ya sanaa yetu na hususani Muziki. Na mara zote nimekuwa nikizungumzia muziki ambao utatutambulisha hata nje ya nchi. Muziki ambao hata kama mtu hatajua unatoka Tanzania lakini akiambiwa hatosita kuelewa hivyo. Ni hilo ambalo linapotea sasa. Tunapoteza dira na muelekeo kwenye muziki kwa kile kinachoonekana kama utandawazi. "Tunatayarisha" miziki kwa gharama na uwezo mdogo kuliko maelezo. SABABU? Niliwahi kuwauliza baadhi ya wasanii sababu wanazodhani zakwamisha ukuaji wa muziki wetu (wakati nikishiriki vipindi vya sanaa pale 100.5 Times Fm) na baadhi yao bila aibu wakanijibu kuwa ni Lugha (wakimaanisha Kiswahili kinatukwamisha). Nikajiuliza majina ya wasanii wa Afrika wenye heshima ya sanaa hii Ulimwenguni nikakuta wengi wao hawatumii Kiingereza. Hapa sitaacha kumtaja nguli Oliver Mtukudzi ambaye napenda kazi zake na nilishangazwa na kikosi chake anachotumia kutoa burudani hiyo. ni wachache na zana zao ni za kiasili zaidi.
Inasikitisha saana unapoona sifa na uwezo wa baadhi ya ma-producer wa muziki wa "kizazi kipya" nyumbani. Yaani ukijua kupiga kinanda na gitaa kisha ukajua matumizi ya softwares, basi ushakuwa producer. Well!! hilo pekee si tatizo, ila kutojua nani wa kumshirikisha katika muziki gani ili aweke ala gani ilete ladha gani ndio tatizo kuu hapa. Kuna wasanii wengi saana wanaofanya vema kwenye miziki ya asili na ambao kama wangeshirikishwa wangeweza kuupa muziki wetu mtazamo mpya, lakini kwa "u-mimi" uliopo katika "productions" zetu nahisi tunatafuta maendeleo kwa kujichimbia chini zaidi.

Nilijifunza mengi saana kuhusu uchanganyaji wa muziki wa asili na huu "mpya" kwa muda niliokuwa najihusisha na muziki wa ki-Afrika na ulionifanya niwe natembelea studio za Njenje pale Ilala ambapo kwa msaada wa watayarishaji Kepi, Samwel, na wengine nilijifunza mengi na kuanzia hapo niliuona upungufu wa muziki wetu kwa "jicho la ziada" na naamini hii itakuwa changamoto kwa "watayarishaji" wengi wa nyumbani kuangalia watakalo kufanya kabla hawajatamani kuwa kwenye orodha ya wamiliki wa studios. Ni mwaka mpya na changamoto mpya kwenu ni kuukuza muziki badala ya kutegemea muziki kuwakuza. Studio nyingi lakini ubora uko chini kuliko maelezo. Na bado kila siku "waimbaji" wajiitao wasanii wanasema "wamekuja kutushika na kutaka kuteka soko la kimataifa" kwa miziki isiyo na ubora.

Tukitaka na kuamua tutaweza na hii ni Changamoto Yetu sanaani

Msikilize TUKU katika moja ya nyimbo zinazompa heshima saana Ulimwenguni. Kaimba kikwao na katumia zana halisi za kikwao. Wimbo unaitwa Ndakuvara