"Tumetokomeza Malaria visiwani Zanzibar"...Waziri Asha Juma

Serikali ya mapinduzi ya Zanzibar imesema kuwa imeweza kutokomeza maradhi ya Malaria katika visiwa hivyo. Hayo yalinenwa na Waziri wa Kazi maendeleo ya vijana, wanawake na watoto wa Serikali ya Mapinduzi ya Zanzibar Mhe Asha A. Juma wakati akizungumza katika sherehe za tano za kila mwaka za shirika lisilo la kiserikali la SHINA INC* zilizofanyika mwishoni mwa wiki iliyopita hapa Maryland.
Waziri Asha Juma ambaye ndiye aliyekuwa msemaji mkuu mwalikwa usiku huo alisema kuwa wameweza kutokomeza ugonjwa huo unaoua watu wengi zaidi barani Afrika kwa msaada mkubwa wa serikali ya Marekani. Amesema kuwa kutokomeza malaria ni kati ya mipango iliyokuwa katika MILLENIUM DEVELOPMENT GOALS (MDG) ambayo yalihusisha mambo 8, kama anavyoeleza kwenye hotuba yake pamoja na namna ambavyo Serikali ya Mapinduzi ya Zanzibar inakabiliana na kufanikiwa katika hayo
Baada ya hotuba hiyo, blogu hii ilipata nafasi ya kuhojiana na Mhe Waziri Asha kujua kwa kina kilichofanyika Zanzibar kutokomeza Malaria ambacho hakiwezi kufanyika Bara ambako ugonjwa huo unaendelea kuua maelfu. Pia kuhusu suala zima la usahihi wa takwimu na afya za wanawake na watoto.

Sherehe hizo zilipambwa na burudani toka kwa kikundi cha vijana cha Taratibu cha hapa Washington DC na pia kwaya ya K.K.K.T Bukoba. Pata sehemu ya burudani hiyo

Kwa habari na picha zaidi waweza kuBOFYA HAPA na / ama HAPA

*SHINA INC ni shirika lisilo la kiserikali linalojishughulisha na kuwasaidia VIJANA, WANAWAKE NA WATOTO wenye uhitaji kwa kuwawezesha kimitaji, kielimu na hata kufadhili watoto yatima na wale waishio katika mazingira magumu. Waweza kutembelea tovuti yao kwa kuBOFYA HAPA