Dunia ina mambo

Tukianza na huko Brazil, kuna mawili yaliyojiri wiki hii na "kunyanyua nyusi" za blogu hii. La kwanza ni la mwanadada-mwanamichezo m'beba vitu vizito Elizabeth Poblete raia wa Chile anayefanya mazozei nchini Brazil alipojifungua mtoto wa kiume wa miezi sita wakati akiwa mazoezini.
Mpaka wakati wa tukio, Elizabeth hakuwa na habari juu ya ujauzito wake na alikuwa akionekana "kujazia" na mwenyewe hakuwahi kuhisi lolote mpaka wiki moja kabla alipohisi mabadiliko kidogo tumboni. Siku ya tukio akiwa mazoezini alijisikia vibaya na kumpigia simu mtabibu wake na ndipo alipogundua kuwa yu-mjamzito. Hata hivyo alijifungua salama na yeye na mtoto kukimbizwa hospitali muda mfupi baadae. Unaweza kusoma habari kamili HAPA

Visit msnbc.com for breaking news, world news, and news about the economy

Pia hukohuko Brazil, mtoto wa miaka 2 amekutwa na zaidi ya sindano 40 mwilini ambaz zasemekana zilichomekwa moja moja na Babake wa kambo. Polisi wa nchini Brazil wamesema Baba huyo wa kambo aitwaye Roberto Carlos Magalhaes amekiri kufanya kitendo hicho kinachoshirikishwa na imani za kishirikina. Ifuate HAPA
Nako WISCONSIN nimekutana na hii ya kijana kuambiwa kuwa atahitaji RUHUSA YA KISHERIA kuwa na mahusiano ya kimapenzi baada ya kupatikana na hatia ya kuiba gari na kumtorosha mpenzi wake wa miaka 16.
Kijana huyo Jordan S. Christensen mwenye miaka 19, amehukumiwa kifungo cha mwaka mmoja na uangalizi wa miaka 3 na katika kipindi chote hicho, hataruhusiwa kuwa na mahusiano bila ruhusa ya mshauri wake wa kisheria. Hii iko HAPA