Mwaka mmoja "baadae".......

Kuna mambo niliyoambiwa kuwa UTAMU wake hutokana na UCHUNGU wake. Nilisimuliwa na kupewa mfano wa mtu aunguapo kisha akaweka barafu sehemu iliyoungua (japo nilihusiwa kuwa si nzuri kwa afya), lakini ati kwa m'badiliko wa ghafla wa joto, mtu husikia maumivu huku akihisi unafuu wa maumivu.
Labda ndivyo ninavyoweza elezea maisha yangu kwa mwaka mmoja uliopita.
Yamekuwa na changamoto nzuri za malezi na mafunzo kuhusu mwana na wana. Majumuiko ya ki-uzazi na mengine mengi. Haya yote yalikuwa mabadiliko ya ratiba na haya yote yalitokea bila kupunguza pilika nyingine na hivyo kuweka mchakato mwingine, lakini ni mchakato huo ambao leo hii naukumbuka na kujivunia. Ni hekaheka hizi ambazo zimeyafanya maisha yangu kwa mwaka uliopita kuwa mazuri na yenye mtazamo chanya zaidi licha ya mengi "kuvuta".
Leo hii ni mwaka kamili tangu MWENYEZI MUNGU atubariki na mwana wetu Paulina Arianna na kwa hakika tuna kila sababu ya kumshukuru kwa kutuonesha njia na pia kutulinda. Tumeona mengi, tumejifunza mengi na pia tunaendelea kujifunza.Mwaka wa kwanza umekamilika na twamuomba aendelee kutujaalia mengi mema kama awajaliavyo wengine wengi KULINGANA NA MAPENZI YAKE.
Na kumzungumzia Paulina bila kusema kuhusu mamake ni kutokamilisha "hesabu". Shukrani kwa muumba kwa kunipa "nusu yangu njema" iliyo na ukamilifu zaidi ya nilivyowahi tarajia. Haya machache yanakamilisha umuhimu wa uwepo wako. UPENDO KWAKO MAMA P.
Na pia kwa wale ndugu, jamaa, marafiki na wale wote ambao kwa namna moja ama nyingine wamehusika na maisha yetu kama mtu mmoja mmoja na kama familia kwa ujumla. Bila ninyi tusingekuwa hapa. Upendo kwenu.
HERI YA KUMBUKUMBU YA SIKU YA KUZALIWA MWANA.